توّك صغيره وابتديتي تحـــــــــــــبين
من علّمك ليل السهر ياصغــــــيره ؟
بدري عليك العشق يابنت هاللـــحين
حرام هذا القلب وشـــــهو مصيره ؟
xxxx
انتي بريئه في الهوا ليــــه تشقين ؟
دروبه طوال ٍ عليك وعسيــــــــــره
رحتي بدرب ٍ مالــــه اصلا ً عناوين
وانتي مشاويـــــرك من اول قصيره
xxxx
ياطفلة ٍ حبّت وراحت على ويــن ؟
عقب الهنا ذقتي الحياه المــــريره
وينك ووين الحب والشوق والبين؟
عنّيتي عيــــــونك وصرتي سهيره
xxxx
امحق تسلّي كان ودّك تسلّـــــــين
الورد لولا اللّون وشهو عبــيره ؟
خلّيتي دروسك وصرتي تحــــاتين
الدرس في ديره وصرتي بــــــديره
xxxx
وصرتي بعد من غير هذا تغــارين
والمشكله يابنت منتـــــــــي خبيره
نصيحتي لك كان ودّك تـــــــــردين
يم السعاده والحيــــــــــــاه المثيره
xxxx
خلّك بجو العايله لا تعــــــــــــــدّين
ماما وبابا والعــــــــــجوز الظريره
شيبانك اللّي مايبونك تعــــــــــانين
من بينهم عشتي كأنـّـــــــــك أميره
xxxx
الحب قبلك هــــــــــز ناس ٍ كثيرين
وخلاّ القلوب تعيش هــــــم ٍ وحيره
الحب يفضح لا انكشف داخل العين
وانتي بنفــّــــــسك ماهقيتك بصيره
xxxx
طيعي كـــــلامي واحذري لا تمادين
تراجعي لاعل في الأمر خـــــــــيره
عيشي الطفوله والبراءه لك سنين
وبـــــــــــعدين حبّي لا غديتي كبيره
تقبلو تحياااتي ..
موضوع: تـــوك صغيـــره وأبتديتـــي تحبيــــن ..!! 
السبت فبراير 09, 2008 6:48 am